Arctic Umiaq Line aqqutigalugu angalaniartarnermi pilersaarutit pitsaanerusumik ingerlanneqartalernissaat anguniarneqarpoq.
Pisinermut pilerisaarinermullu pisortaq Hideo Sawahata oqarpoq. Angalatitseqatigiiffiup timmisartuussisarnini ullumi ullut 50-inngortorsiorpaa.
Angallassiniarnermi ajornartorsiutaasimasunut ilaavoq, Nuumminngaanniit Reykjavik-imut angallassiniartarneq, taannali aaqqinneqartoq Hideo Sawahata oqarpoq.
Angalatitseqatigiiffiup timmisartuussisarneri ataatsimut isigalugit ajorisassaanngitsutut nalilerneqarput, oqaatigerusunngilaalli timmisartumi issiavissat procentinngorlugit qanoq amerlatigisut tunineqarsimanersut.
Timmisartuussisarnerit saniatigut umiarsuarmik marlunnik angalatitsisarnerit Arctic Umiaq Line-mit aamma ingerlanneqartarput.
Timmisartuussisarnerit umiarsuarmillu angalatitsinerit septemberip qaammataani unitsinneqassapput.