Pilersaarutit malillugit qillerineq ingerlavoq
Qillerinerit unitsinneqartariaqarnerisa kinguneranik
aningaasat qanoq amerlatigisut suliffeqarfimmit annaaneqarsimanersut oqaatigisinnaanagu, David Nisbet Cairn Energip qullersaqarfiani tusagassiisartoq oqarpoq
- Sumiluunnit sulinitsinni, Kalaallit Nunaanniikkutta imaluunniit nunani allaniikkutta, aningaasasiorneq suliallu eqaallisarlugit pilersaarusiortarpugut, David Nisbet oqarpoq.
Pilersaarutigineqartut malillugit Qeqertarsuup avataani uuliasiorluni qillernerit ukiakkut silap ajortittalernera immallu sikunissaa sioqqullugu naammassineqartussaapput.
- Qillinerinermi piffissaq pilersaarutigineqartoq qaangissanerlugu maannakkut oqaatigisinnaanngilarput, David Nibet oqarpoq.
Cairn Energy qillerinermini kulbrinteqarsinnaaneranik immap naqqani nassaarpoq.
Kulbrintemik qalluinaq imminut akilersinnaanersoq piffissaq sivisooq atorlugu paasiniarneqassasoq, David Nisbetip oqaatigaa.