Pilersaarummik isertuussineq nunani allani tupigusuutigaat
Norgemi periaatsit malitassatut pitsaasutut Namminersorlutik Oqartussanit saqqummiunneqartarput.
- Norgemi suut tamarmik saqqummiunneqartarput. Uuliasiorluni isumannaallisaanermut
pilersaarutinik isertuussisoqarnera tusarsimanngisaannarpara, tamatumani tunngavissaq pitsaasoq ataaserluunniit takusinnaanngilara, Helge Ryggvik Oslo Universitetimi oqaluttuarisaanermik allaaserinnittartoq aamma uuliamik suliffissuaqarnermik ilisimatusartoq, aviisimi Sermitsiami persorneqarluni oqarpoq.
Shetlandit qeqertaanni uuliasiornermi isumannaallisaanermut pilersaarut kikkunnit tamanit
qimerloorneqarsinnaapput aamma Hollandimi tamanna ileqquuvoq.
Danmark Nordsømi gassimik uuliamillu qillerivinnik arlalinnik peqarpoq. Ajutoortoqarsimatillugu uuliamillu
aniasoqarsimatillugu isumannaallisaanermut pilersaarutit kikkunnit tamanit
qimerloorneqarsinnaapput, kisianni oqarasuaatit normui aamma atit pingaarutillit tamanut saqqummiussinermi peerneqarsimasarput, oqartussat akornuserumanagit, Danmarkimi miljøstyrelsimi teknikkimut siunnersuisartoq Mikael Palme Malinovsky Sermitsiami taamatut issuarneqarpoq.
