Pikkorissartitsinerinnakkut sulisussaaleqineq qaangerneqarsinnaanngilaq

Nuup Kommunea isumaginninnermik siunnersortinik amigaateqarpoq, tassani sulisut qulingiluaasussaagaluarlutik sisamaannaapput. Taamaattumik allaffimmiunik qaammatiniluunnit pingasuni pikkorissartitsinikkut oqilisaassisoqarsinnaanera borgmester Agnethe Davidsenip isumaliutigalugu ippassaq oqaaseqarfigaa. Tamannali eqqarsartoqartillugu, Isumaginninnermi Siunnersortinngorniat Ilinniarfianni ilinniartitsisoq Frederikke Zeeb naliliivoq.

Isumaginninnermut siunnersortissaaleqineq pikkorissartitsinerinnakkut qaangerneqarsinnaanngitsoq, allaffimmiulli sagsbehandleritut sulisut rådgivningsassistentitut pikkorissartinnerisigut siunnersortinik oqilisaassisinnaasut erseqqissaatigaa.

Rådgivningsassistentinik ilinniartitsisarnerit Isumaginninnermi Siunnersortinngorniat Ilinniarfiata modulikkaartumik ukiuni kingullerni ingerlattarsimavai. Rådgivningsassistentitut ukiuni marlunni ilinniartartut suliffinerminni atukkatik pisariaqartitatillu naapertorlugit ilinniarteqqinneqartarput.

Ilinniaqqittartut tassaanerusarput isumaginnittoqarfinni ukiorpassuarni sagsbehandleritut suleqataasut kiisalu isumaginninnermi ikiortit. Taakku isumaginninnermik siunnersortinut oqilisaasussatut naatsorsuullugit ilinniarteqqinneqartarput. Ilinniartitseriaaseq tamanna isumaginnittoqarfinni sulisunut oqilisaaniarnermi tulluarnerusoq Frederikke Zeeb isumaqarpoq:

- Oqilisaaniarnermi, soorlu allaffissornikkut tunngasutigut oqisaaniarnermut atussallugit tulluarnerupput, kisianni isumaginninnermut siunnersortit suliassaannik tamakkiisumik tigusisinnaanngillat. Frederikke Zeeb erseqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat