Pikkorissarnerit stressertitsiinnartartut

Suliffiit pikkorissartitsisarneri sulisunut stressernermik kinguneqartitsiinnartartut taamalu ulluinnarni suliffimmi ajornartorsiutinut aaqqiineq ajortut, nutaarsiassaqartitsiviup ritzauip allaaseraa.

- Suliffeqarfiit sapaatip-akunnerata naanerani pikkorissartitsigaangamik isumaqartarput suliffimmi ajornartorsiutit, aaqqiagiinnginnerit stressernerillu weekendtiinnarmi aaqqinneqarsinnaasut, kisianni asuli pipallannertut aaqqiiniarnerinnaasarput, taama oqarpoq, Århusimi niivernermi ilinniarfimmi ilisimatooq Steen Hildebrandt.

Taanna isumaqarpoq sulisut nuannaalersinneqapallariarlutik, ulluinnanngoqqikkaangat ileqqortik ateqqittaraat.

- Eqqarsaatigineqarsinnaasariaqaraluarpoq tamakku pikkorissartitsisarnerit suliffiup ajornartorsiutaanut naleqqunnersut soorlu stresserneq assersuutigineqarsinnaavoq, Steen Hildebrandt oqarpoq.

Taassuma taama isumaqarnera Danmarks Pædagogiske Universitetimi ilinniartitsisup Kirsten Bovbjergip ilalerpaa.

- Inuit arpaleraarnerusussanngorlugit pikkorissartiinnarnagit ulluinnarni sulinerup sivisussusaa allanngortinneqartariaqaraluarpoq, oqarpoq.