Pikkorissarfik: Efterskolemut qinnuteqartut sumiginnagaapput
Atuarfitsialak pisussaaffimmi ilaanik sumiginnaavoq, taama Sisimiuni Oqaatsinik pikkorissarfimmi siunnersorti Lars K.S. Olsen uparuaateqarpoq. Lars K.S. Olsen oqarpoq, sinerissami inuuttuaqqat katillugit 290-it efterskolerniarlutik Oqaatsinut pikkorissarfimmut qinuteqarsimasut, taakkunanngali 176-it qinnuteqaataat ilaannakuullutik naammassillugit suliarineqarsimanngitsut.
Inuusuttuaqqat efterskolernissamut qinnuteqarnissaat siorna decembarip aallaqqaataanut killeqarpoq. Qinnuteqarfissallu killigata kingorna qinnuteqateqaatit tamakkerlugit tiguneqanngimmata decembarip 15-ianni tamanna ilisimatitsissutigineqarpoq, Lars K.S. Olsen-ilu oqarpoq qinnuteqaatit illoqarfinnit marlunneersut, tassa Aasiannnenersut Ittoqqortoormiineersullu suli takkussimanngitsut.
Sinerissami inuusuttuaqqat efterskolerniarlutik qinnuteqaataat, karakteerii kiisalu atuarfiup oqaaseqataai ilanngullugit Sisimiuni Oqaaatsinik Pikkorissarfimmut nassiunneqartartussaapput, tamannali naammassineqarsimanngimmat, qinnuteqartunit 176-it akuerineqanngeriataarsinnaasut Lars K.S. Olsen oqarpoq.