Pikkorinnersiukkatut timersortartussat ilinniartinneqarput
Inuusuttuaqqat 24-it 16-iniit 19-inut ukiullit sinerissamit tamaneersut Kangerlussuarmi maanna katersuupput, timersortartut pikkorinnersiukkat inuunerat pillugu ilinniartinneqassallutik.
Pikkorinnersiukkatut timersortartuunermi suut piumasaqaataanersut ilaatigut ilinniartitsissutigineqartut, Team Grønland sinnerlugu ilinniartitsinermi aaqqissuisuusoq Claus Nielsen oqarpoq.
Sakkortusisamik timersornerup ilinniagaqarnerullu eqqarsaatigisariaqarneri, ataqatigiissinnaasariaqarneri kiisalu timersortartuugaanni inuussutissat suut pingaaruteqartuuneri suullu peqqinnanngitsuuneri qanorlu pitsaanerpaamik sungiusarsinnaanerit ilinniartitsinermi sammineqarput.
Claus Nielsen oqarpoq ilinniartitsinermi inuusuttuaqqat timersortartut pikkorinnersiukkat atugaat pillugit ilikkagaqarluarumaartut. Inuunerlu taamaattoq imminnut naleqquttuunersoq paasikannerlugu, sakkortunerusumik timersorneq aallartereerlugu naleqquttuunngitsoq paasigaanni uggornartarmat.
- Inuusuttorpassuimmi Danmarkimut aallartarput timersortartuuneq inuussutissasiutissatut sinnattoralugu, amerlasuulli pakatsisitaasarput, taamaattumik pisariaqarpoq pikkorinnersiukkatut timersortartoorusukkaanni suut pisariaqarnersut, Claus Nielsen oqarpoq.
Inuusuttuaqqat 24-it Kangerlussuarmi ilinniartinneqartut, assammik arnermik, volleyboldternermik, badmintonertarnermik, sisorartarnermik arsartarnermillu sammisaqartuupput.
Inuusuttuaqqat 24-it Kangerlussuarmi ilinniartinneqartut, assammik arnermik, volleyboldternermik, badmintonertarnermik, sisorartarnermik arsartarnermillu sammisaqartuupput.
