Pikitsitsisut ikuallatsitsinersut misissorneqarpoq
Qaqqani naasorissaasut pigisaminnik pisattaminnillu ikuallagussaalersunik annaassiniartillugit, Grækenlandimi politikerit assortuussutigaat ikuallannerit qamisarniarneqarneranni pilertortumik qamisaasinnaajunnaarnermi innerullu aqunneqarsinnaajunnarneranut kikkut akisussaatinneqarlutik pisuutinneqassanersut.
Grækenlandimi Socialistpartiit siuttuata Papandreoup,
Tusagassiortunut oqaatigisimavaa, Grækenlandimi naalakkersuisut atorsinnaanngilluinnartut, ikuallannersuillu qanoq iliuuseqarfigisinnaanngikkaalluunniit, Grækenlandimi septemberip ulluisa 16-ianni qinersisoqartussaammat,
Grækenlandimi ikuallannersuaq qineqqusaarutit pingaarnersarerataannaavaat.
Athenillu aqquserngini inuit tusindtilippassuit saamerliuniat akerliussutsimik ippassaq takutitsipput, Grækenlandimi ikuallannersuit qamisarniarneqarneranut atatillugu naalakkersuisut upalungaarsimanngippallaaqimmata, suaartaatigaallu maannakkut naalakkersuisut tunuarnissaat.
Akerlianilli Grækenlandimi ministeriunerup, Kanmanlisip, illua´tungiliuttut partiivi uparuartorpai Grækenlandimi ajunaarnersuaq atorluarniarsaralugu naalakkersuisut suliniarnerannik uparuartuinermikkut ajortitsiniarsarisuunerarlugit, naalakkersuisullu tamaviaarlutik innermik akiuiniarlutik suliniarnerat erseqqissaatigalugu.
