Piitsuussuseq pillugu naalakkersuisut iliuuseqanngitsut

Inuit Ataqatigiit, Demokraatit aamma Kattusseqatigiit Partiiata tamanna Kalaallit Nunaanni meeqqanik, ilisimatusarnermik tamallu suleqatigiillutik oqartussaaqataanerannik suusupaginninnertut taavaat.

Naalakkersuisunut ammasumik allakkaminni taama allapput.

Partiit taakkua pingasuusut ataatsimoorlutik qanoq iliorluni meeqqat akornanni piitsuussutsip akiorneqarsinnaaneranik siunnersuuteqarput. Siunnersuut upernaakkut ataatsimiinnerup immikkoortuani siullermi oqallisigineqanngitsoorpoq, kisianni Naalakkersuisut akissutaat tamanut saqqummiunneqarpoq tamannalu illuatungiliuttunik aalassatsitsivoq.

Meeqqat peroriartornerminni atuagarisaat pillugit ilisimatusarnikkut uppernarsaasersuineq Naalakkersuisut tunngaviatigut akuerinngilaat. Ilisimalikkat ilaatigut ingerlatsiviup MIPIp pilersitai pineqartut, allakkani oqaatigineqarpoq. Saaffiginnissut aamma naalakkersuisut siulittaasuannut Hans Enoksenimut, soorlu oqaatigineqartutut ’qanga inooqatigiinnermut tunngasunik pingaartitsisumit Siumumeersumut’ aamma sammitinneqarpoq.

- Inuiaqatigiittut akisussaaffik qimarratigiuarpat, meeqqallu akornanni piitsuussusermut akisussaaffik paatsoorneqarsinnaanngitsumik angajoqqaanut akisussaassuseqannginnerakkannut inissillugu, illuatungiliuttut allapput.

Illuatungiliuttut siunnersuutaat ullumikkut oqaluuserineqassaaq.