Inatsisartuni demokraatit ilaasortaatitaasa piumasaraat Kalaallit Nunaanni piitsut atugaannik pitsanngorsaatissanik ukiuni tulliuttuni tallimani katillugit 100 millioni koruunit immikkut aningaasaliissutigineqassasut.
-Immikkut ilisimasallit amerlanerit pisariaqartinngilagut, naammaleqaaq iliuuseqartariaqalerpugut, demokraatit inatsisartuni gruppia nalunaarpoq.
Aningaasaleeqqusinermut piumasaqaat aappaagumut aningaasanut inatsisissaq isumaqatigiinniutigineqalerpat demokraatit nassarniarpaat, partiilu piareersimavoq oqaluttuarissallugu aningaasat suminngaanniit tiguneqarsinnaanersut.