Piitarsuup toquneraniit ukiut 50-it qaangiupput

Ukiut 50-it qaangiupput issittumi angalatoorsuaq atuakkiortoq Peter Freuchen, Piitarsuaq toqummat.

Navarana Freuchen Peter Freucheniugaluup erngutaraa. Aatarsuanilu qanoq tipeqartoq Navaranap ulloq manna tikillugu eqqaamalluarpaa, naamasutullu ilaanni suli ittarlugu.

Godmann Filemonsen paasissutissiissaaq:

Danmarkip ilaani Sjællandip kujataaniippugut, umiarsualivitoqarsuarmi Nykøbing Falsterimi.

Nunani issittuni angalatoorsuaq atuakkiortoq, Peter Freuchen umiarsualiviup aqqutaata killinnguani meeraasimavoq.

Tassunga illumut iseraanni angutip utoqqaap ajaappiaa takuneqarsinnaavoq. Nerrivimmi allaffigisartagaani ersiinnarput allaassutaa, pilikki pappiarallu.

Soorlumi inuttaa sukkulluunniit puttutiinnassasoq.

Tassalu issittuni angalatoorsuup Piitarsuup pigisai.

erngutaa Navarana, Piitarsuullu nuleerutaata siulliup aqqa, maannakkut Piitarsuup kinguaavisa amiakkoraat. Navaranap eqqaamalluarpaa, aatarsuarmi toqunerata tusarliunneqarnera:

-Tamanikkut kanngunaqaat aatarsuarma toqunera

pillugu sianerfiginngimmatigut,

taamanikkummi toqunera Radioaviisikkut tusaratsigu.

Aataga Alaskami toquvoq, hotelimi inigisaminut kuffertini nassatanilu allat eqqussuutereerlugillu toqusimagami, aammamiuna inuk kiffalersortuunngitsoq.

Taamanikkut toqunera tusaqqaarakku

tusagaq eqqumeeqaaq nuanniillunilu.

Angerlarsimaffimmini qasuersaaraangami annoraaqartuaannarpoq, inorujussuuvoq saluttuunanilu, immikkuullarissumillu tipeqarluni, aataatut tipeqarami.

Kuniortilluni umissui kapinaqaat taamaattumik kuniortikkumaneq ajorpunga, qinngavut imminnut tagiutiinnartarpavut.

Pulaartoqaraangami eqitaartortarpai kuniorlugillu, inoqamminut asannittorujussuugami.

Peter Freuchenip erngutaa Radioaviisimut taama eqqaamasalikkersaarpoq. Piitarsuaq Kalaallit Nunaannut siullerpaamik angalaqataajartorluni 21-nik ukioqarluni tikeqqaarpoq. Tamatuma kingorna Piitarsuup inughuit avanersuarmi Uummannattoqqami inooqatigisimavai nuliilu Navarana 1911-mi nuliartaarisimallugu.