Piginnittussaanermik saqitsaanneq ingerlajuarsinnarpoq
Issittup imartaani immap naqqanik piginnittussaanermik USA-p, Canadap, Danmarkip Ruslandillu akornanni saqitsaanneq ingerlajuarsinnarpoq.
Allattoq Louise M. Kleemann
Ilisimatuut Canadameersut Ellesmere Islandip avannamut kippasissortaaniitsillutik, tassa Umimmaat Nunaata kimmut sineriaaniitsillutik immap naqqanik misissuipput, paasisatillu naapertorlugit maanna oqarput Canada Issittup imartaata naqqanik piginnittuusoq.
Amerikap nunavittaata ilamernga Umimmaat Nunaanniit Qalasersuup tungaanut ingerlaartoq paasisimanerarpaat, Canadallu tamanna piginnittuuffigigaa oqaatigalugu. Tusagassiorfik The Canadian Press taama allaaserinnippoq.