Piginneqatigiiffiit namminersortunngorsarneqassapput
Piginneqatigiiffinni, Namminersornerullutik Oqartussat pigisaanni, piginneqataaffiinilu ataatsimeersuarnissat naligileruttorpaat.
Ataatsimeersuarneq kingulleq pivoq Greenland Ressources-imi, naalakkersuisunili ilaasortaq Jørgen Wæver Johansen tassani erseqqissumik nalunaaruteqarpoq, piginneqatigiiffiup taassuma ilaa namminersornngorsarlugu tunineqassasoq.
Jørgen Wæver Johansen, Itisiliinermi arfinernut aallakaatinneqartussami pulaartunut ilaasoq, ilimasaarivoq, piginneqatigiiffiit Namminersornerullutik Oqartussanit pigineqartut, pingaarnertut suliassaminnut samminerusunik suliaqalissasut.
- Piginneqatigiiffiit pisortanit pigineqartut suliassanik, namminersorlutik inuussutissarsiortunit ingerlanneqarluarsinnaasunik, ingerlatsisariaqanngitsut, Jørgen Wæver Johansen Itisiliinermut oqarpoq. Tamannalu tassa itinerusumik tusagaqarfigisinnaavarsi Itisiliineq unnugu nalunaaqutaq arfinermiit aallakaatinneqalerpat.
