Piginneqataassutit nalileruminaatsippaat

SAS-ip Air Greenlandimut piginneqataassutai qanoq naleqarpat?

Apeqqut taanna immikkut ilisimasalinnut ingerlateqqipparput akissutillu assigiilluinnarput: Naatsorsueriaatsilli assigiinngitsorpassuummata naatsorsorniarnissaa ajornakusoornerarpaat.

- Piginneqatigiissutit nalingisa naatsorsorniarnerini naliliinermi tunngavigineqartartut amerlaqaat. Piserusuttoq qanoq akileerusussuseqarpa? Piginneqatigiissutinik tuniniaasoq qanoq akeqartitserusuppa? Aamma tamakkua pinnginnerini suliffeqarfik piginneqataassutinik tuniniaasoq misissuiffigeqqissaarneqartarpoq. Taannalu cost-benefit-analyse-mik taaneqartartoq Københavnimi Handelshøjskolimi ilinniartitsisup, Lise Lyckip oqaatigaa.

Cost-benefit-analyse tassaavoq suliffeqarfiup aningaasaliissutiminit aningaasartuutigisartagaasa iluanaarutigisartagaasalu naatsorsorneri.

Lise Lyck isumaqarpoq apeqqummi matumani nunatsinni naalakkersuisut oqaasissalerujussuusut, naalakkersuinikkullu aalajangigassaassasoq, Lise Lyck oqarpoq.