Piginnaanngorsaasarnermi innarluutillit kattuffiat ikiuukkusuppoq

Siusinaartumik utoqqalinersiaqartitsilinnginnermi piginnaanngorsaaqqiinnerit ingerlanneqartarneranni Innarluutillit kattuffiata peqataanerulernissaa pisariaqartoq kattuffiup siulittaasua Sisimiuneersoq Mette Sofie Lerch oqarpoq. Ilaatigut innarluuteqartut oqinnerusunik suliffeqalersinnaanerat ujartorlugu.

Siusinaartumik utoqqalinersiuteqalertartussat siunissami amerliartuinnassasut ilisimaneqarmat 2002-mi inatsisartut inatsisaata nutarterneqarneratigut piginnaanngorsaaqqiinnermik kommunit ingerlatsisassasut aningaasaliissuteqarneratigut periarfissaalerpoq. Taamaakkaluartoq ulloqeqqanut radioaviisimi tusarliupparput, siusinaartumik utoqqalinersiuteqalertussanut atugassat aningaasat ukioq manna 13,6 mio.koruuninik amerlariaateqassasut, naatsorsueqqissaartarfimmiit naatsorsuutigineqartoq.

Piginnaanngorsaanerit ingerlanneqartarneranni Innarluutillit kattuffiata peqataanerunissaa pisariaqartoq kattuffiup siulittaasua Mette Sofie Lerch oqarpoq.

-Maannamut tamanna pillugu peqataatinneqanngilagut, peqataatinneqaraluaruttalu innaarluutillit ilaasa ullup affaa oqinnerusunik suliffeqalernissaanut aqqutissiuusseqataasinnaagaluarpugut. Mette Sofie Lerch oqarpoq.

Ilanngullugu oqarpoq ilaqutariinnermut peqqinnissamullu naalakkersuisumut oqaloqtiginninnerit massakkut aallartinneqarsimasut, oqaloqatigiinnerillu piffissami aggersumi nanginneqassasut naatsorsuutigineqartoq.

Maannamut peqataatinneqannginnerminnut ajuusaarnerarpoq, oqarluni peqqussutit allanngortinneqarnerisut siuliani oqaatigisani, tassa innarluutillit ilaasa ullup affaa oqimaappallaangitsunik suliffeqalersinnaanerat periarfissaqalissagaluarmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat