Piginnaanngorsaaneq atorluarneqanngilaq

Siusinaartumik utoqqalinersiuteqalerusuttut suliffeqarsinnaanerinut periarfissat tungaasigut piginnaangorsarneqartarnerannut aningaasaliissutaasartut ukiuni siuliini kommuneqarfinniit atorluarneqartarsimanngimmata, ukioq manna atorneqarnerulissasut suliffeqarnermut pisortaqarfimmi siunnersorti Sofus Martins oqarpoq.

Ukioq 2003-mi piginnaangorsaaqqiinermi aningaasat atugassarititaasuniit 3 mio. koruuniusuniit taammaallaat 391.000 koruunit atorneqarsimapput, siorna 2,2 mio. koruunit atorneqarlutik.

Piginnaangorsaaqqiineq kommuniniit atorneqaleriartortoq Sofus Martins, oqarpoq, iliuusissanillu pilersaarusiortoqartoq oqaatigalugu.

- Piginnaangorsaaqqiisarneq eqqarsaatigalugu kommunit aallartisalerput, tamannalu siunissami ingerlanneqaleriartussasoq qularutissaanngilaq, Sofus Martins oqarpoq

Siusinaartumik utoqqalinersiuteqalerusuttut amerliartortut siunissamilu amerliartuinnassasut naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat