Piareersarfimmi ilinniartitsisut naapeqatigiipput
Atuartut Piareersarfinni karakteeriminnik pitsanngortitsiniartut atuartitaaneq pitsaanerusoq qilanaarissavaat.
- Taamatut katersuutititsivugut, taamaalilluni nunatsinni ilinniartitsisut ataatsimoorlutik inissinniassammata misilittakkaminnillu paarlaasseqatigiillutik. Anguniarneqartoq tassaavoq Piareersarfinni atuartitsinerup pitsaanerulersinnissaa qaffassarnissaalu atuartunut amerlaqisunut iluaqutaasussamik, Ove Karl Berthelsen tusagassiuutitigut nalunaarummi allappoq.
Piareersarfiit 2006-imi pilersinneqarput maannakkorpiarlu qinnuteqartartut ima amerlatigipput, taakkua tamaasa inissaqartinniarlugit inissat marloriaatinngortinneqassallutik.