Piaarinaatsornikkut Sume pinngorpoq

Sumekkut oqaluttuarisaanerat pillugu atuakkiaq sapaatip akunnerata tulliani saqqummissaaq, nipilersoqatigiillu pillugu aamma filmiliortoqalerluni.

Sumemi nipilersortartut ilaata Per Berthelsenip Sumemi peqataanini ima oqaatigaa:

- Soorluli Malillu (red. Malik Høegh) uagut piaarinaatsoornerinnakkut ukiut 40-t manuta siorna naapinnikuusugut, pisut tamangajaavimmik piaarinaatsoornikkut ingerlanikuupput. Immaqalu ilaatigut takorannersumik immikkuullarissumik pisut pisarsimapput.

Per Berthelsenip atuakkami saqqummersussami takutikkusuppaa, nipilersoqatigiit Sume suut aqqusaarsimaneraat, taamaasilluni siunissami aamma Sume takuneqarsinnaaniassammat.

- Pisussaaffittut tigullugu angernikuuvugut tammatsaaliaralugit Sumekkut ukiut 40-t nunatsinnut nipilersorneq aallaavigalugu politikkikkut uummarsaaqataallutik Kalaallit Nunaannut nittarsaasumik suleqataasutut pingaaruteqarnerat tammatsaaliaralugu suliarisimallugu.

Inuk Silis Høegh allanik filmiliortartunik suleqateqarluni Sume pillugu filmiliussaaq. Inuk Silis Høeghip filmiliassartik pillugu ima oqarpoq.

- Tunngaviussaaq 70-ikkunni Sumekkut saqqummeqqaalermata pisimasut. Nunatta ineriartornera arlaatigut oqaluttuarissavarput Sume aqqutigalugu.

Kalaallit Nunaata ilisarnaataatut nipilersortartuisut Sumep taaneqartarnera Per Berthelsenip ima oqaatigaa.

- Nuannarisarpara ilaatigut oqaatigineqartarnerput Kalaallit Nunaata ilisarnaataatut nipilersortartuisut taaneqartarnerput, taanna tuppalliutigalugulu tulluusimaarutigisartakkammalu ilagisarpaat.

Atuagaq "Sume - kalaallit rockertarnermikkut tusaamasarsuit" Sumekkut Katuami decembarip pingajuani tusarnaartitsineranni tunisaalissaaq. Sumekkullu marluk nuussualiarisimasaat "Sumut" aamma "Inuit nunaat" CD-nngorlugit aamma decembarip pingajuanit tunisaalissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat