Pia Kjærsgaard Aleqa pillugu: Akuerineqarsinnaanngilaq
Aleqa Hammondip Siumumit Socialdemokraatiniillu ilaasortaajunnaarsinneqarneranit ullut marluk qaangiuttut tamanna pivoq.
- Pisimasoq soorunami akuerineqarsinnaanngilaq. Pisoq assut qinngarnarpoq, Folketingimummi soorunami akiitsortoqarsinnaanngilaq, Pia Kjærsgaard Ekstra Bladetimut taama oqarpoq.
Aamma atuaruk Aaqqissuisuuneq: Aleqa Folketingimi ilungersortussanngorpoq
Aleqa Hammondip pisortat aningaasaataannik siornatigut atornerluisarsimanera aamma eqqaavaa.
- Siullerpaamik taama pisoqanngilaq. Tamannalu uggornarlunilu assut ajuusaarnarpoq. Oqartoqarsinnaagunarporlu sorpassuarnik iliuuseqartarsimasoq, Pia Kjærsgaard oqarpoq.
Folketingilli siulittaasuata aamma ilanngullugu oqaatigaa suliaq matuneqareersutut isigalugu, Aleqa Hammondilu Folketingimit qaammammuseqqippat akiitsui ilanngaatigineqassasut.
- Aamma Hammondip ajuusaarluni erseqqissumik oqaatigereerpaa. Taamaammat uanga, siulittasoqarfiup Folketingilluunniit arlaatigut iliuuseqarfigisinnaanngilarput, Kjærsgaard taama oqarpoq.
Aamma atuaruk PISUT Kreditkortimik atuineq pillugu allaaserisat tamaasa