PET nalunaarusiaminik saqqummiussivoq

Angut Danmarkimeersoq Maniitsumi siorna saassunneqarsimasoq, politiit isertortumik paasiniaasartuisa, tassa PET-p ukiumoortumik nalunaarusiaanni atuarneqarsinnaavoq.
Allattoq Elisa Isaksen
juulip 29-at 2008 10:49

Ammip qalipaataa tunngavigalugu pinerlunniartarnerit Danmarkimi politeeqarfinnit nalunaarsukkat ukiumoortumik nalunaarusiarineqartarput, Kalaallillu Nunaat ilanngunneqartarluni.

Sermitsiaq nittartakkamini taama allaaserinnippoq.

Angutit Maniitsumeersut pingasut danskeq qallunaapalaamik taaguutigalugu Maniitsumi siorna saassussisimasut, nalunaarusiami atuarneqarsinnaavoq, soorluttaaq danskeq aperineqarsimasoq kalaallinik qunugisaqarnersoq. Aviisimi Berlingske Tidendemi taama allaaserinnittoqartoq Sermitsiami atuarneqarsinnaavoq.

Politeeqarfiit ammip qalipaataa tunngavigalugu saassussisarnerit nalunaarsortarpaat, soorluttaaq upperisaq tunngavigalugu saassussisarnerit nalunaarsorneqartartut.

Tamakku ukiumoortumik nalunaarusiarineqartarput saqqummiunneqartarlutillu.

Ammip qalipaataa tunngavigalugu Kalaallit Nunaanni Danmarkimilu saassussisarnerit 2007-imi ikileriartut nalunaarutigineqarpoq, ammilli qalipaataa tunngavigalugu immikkoortitsisarneq annikilleriarsimanani.

Ammip qalipaataa tunngavigalugu saassussisarnerit upperisallu tunngavigalugit saassussisarnerit inuiaqatigiinnut innarliisartut, PET-p pisortaa Peter Scharf oqarpoq, taamatullu saassussisarnerit tamarmik politiinut nalunaarutigineqarneq ajortut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq