PET-mi sulisup toqutaasimanissaa annilaanngatigineqarpoq
Danmarkip aallartitaasa ilaat Pakistanimi Islamabadimi qaartartumeerisoqarnerup kingorna maqaasineqartoq, politiit isertortumik paasiniaasartuini, PET-mi sulisuusoq nalunaarutigineqarpoq.
Allattoq Mads Lynge
septembarip 21-at 2008 14:08
PET-mi sulisoq qaartartumeerinermi toqutaasut 53-iusut akornanniissinnaanissaa ilimagineqarpoq, PET-miillu nalunaarutigineqarpoq, kinaassusersineqarnissaa suli utaqqineqartoq, ilaqutaasullu ilisimatinneqareersut.
Nunani assigiinngitsuni naalakkersuisut siuttullu allat Islamabadimi Hotel Marriottimik qaartartumeerineq assuaraat.
Angut imminut toqoriaatigaluni qaartartumeerivoq, lastbiililu qaartartumik 600 kiilumik usisoq kinguninngua qaartinneqarluni.
USA-p præsidentiata George W. Buship qaartartumeerinermut atatillugu oqaaseqaammini eqqaasitsissutigaa muslimit ingasattajaarniat akiorniarneqartariaqartut, Pakistanimilu naalakkersuisut Pakistanimilu innuttaasaut sapinngisaq tamaat ikiorniarneqartariaqartut.
