Pervez Musharraff eqqartuunneqassappat pissutsit ajorseriassangatinneqarput
Pakistanimi naalakkersuisooqatigiit præsidentiminnik eqqartuussassanngortitsisinnaanermut malittarisassat isumaqatigiissutigisimagaat naalakkersuisuniit nalunarutigineqarpoq.
Taamatut nalunaartoqarsimatsiartoq nunanut allanut ministereqarfimmiit aamma nalunaarutigineqarpoq Olympiadertut Kina-mi aqagu aallartinnersiorneranni pilersaarutaagaluartutut Musharraf ilaanani ministeriuneq, Yousaf Raza Gilani ilaatinneqassasoq.
Pakistanimi inatsisartut 66 procentiisa isumaqatigiissutigippassuk præsident Musharraf eqqartuunneqarsinnaalissaaq. Tusagassiisarnermullu ministerip, Sheri Rehman-ip oqaatigaa Musharraf-ip præsidentitut suliaasa inatsisartut immikkut ittumik ataasinngorpat ataatsimiissutiginissaannut, præsidentimik eqqartuussisinnaalernissaq allaffissornikkut piareersarneqareersoq.
Musharraf eqqartuunneqarsinnaalissaguni ullut arfineq marlunniit 15-it tikillugit ingerlanerini imminut illersoriarsinnaatitaassaaq.
