Pervez Musharraf qinigaalluarpoq
Taasinernit 257-iusunit 252-it Musharraf-ip pissarsiarai, inatsisartunullu provinsimi qinersinerni aamma amerlanerussuteqangaatsiarluni ajugaalluni.
Musharrafilli Pakistanimi inatsisartunut qinersinermi taamatut ajugaanera, aamma provinsini sisamani, akunnattoorfiunermisuulli aamma akerleriiffiusinnaavoq. Musharaffimmi ajugaanera Pakistanimi eqqartuussiviit qullersaata atorunnaarsissinnaavaa. Eqqartuussiviimmi qullersaata ippassaq aalajangerpaa Musharaffip ajugaanera tamanut suli suaarutigineqarsinnaanngitsoq, Musharrraf sakkutuutut uniformeqartilluni ilumut qinigassanngortissinnaanersoq aalajangiiffigineqaqqaassammat. Tamanna oktobarip ulluisa 17-ianni siusinnerpaamik paasinarsissaaq.
Pakistanimi naalakkersuinikkut aaqqissuussinermi inerteqqutaasoq unaavoq præsidenti sakkutuullu naalagaat tassaassanngitsoq inuk ataaseq, Musharaffimi taama inissisimammat. Generali taanna ukiut arfineq-pingasut matuma siorna aattaqanngillaluamik periataarnikkut pissaaneqaleriasaarpoq, maannali siumut kalerriutereerpaa præsidentiuffini novembarip ulluisa 15-ianni naatinnagu sakkutuut naalagaattut tunuarumaarluni.
Musharraffip sakkutuut naalagaattut uniformiminik suli atuinera pillugu illuatungiliuttut amerlanersaasa akerlerilluinnaramikku ullumi qinersinermi peqataanngillat.
