Københavnimi Nørrebromi ippassaq perullulioqataasimasut 186-it politiinit iperarneqarput, allalli 100-ngajaat suli tigummineqarlutik.
Tigummigallarneqartut ilaat uppernarsaatissaqannginneq pissutigalugu iperarneqarput, taamaattorli allat pingasut parnaarunneqarnissaat siunertarineqarpoq – taakkunganna ataaseq ikuallatsitsisimasutut, aappaa atorfilimmut sulisumut annersaasimasutut pingajuallu sakkortuumik eqqissiviilliortitsisimasutut pasineqarlutik.
Suli tigummigallarneqartut affaat sinnerlugit nunanit allaneersuupput, inuiaallu allat pillugit inatsit naapertorlugu ulluni unnuanilu pingasuni tigummigallarsineqarsinnaasut, DR-imit tusarliunneqarpoq.