Persuttarneqartoq Danmarkimut aallarunneqartussanngortoq
Angut 35-nik ukiulik qatanngutiminik 41-nik ukiulimmik toqutseriarsimasutut unnerluunneqariaannaavoq.
Angut 41-nik ukiulik alleruiaqqasoq timimigulli kilertitersimasoq Dronning Ingridip Napparsimavissuani sulisunit sapaammi ullaassakkut kalerriutigineqarpoq.
Unnuk taanna suleqatigiit unussiuaarsimapput, unnuap-qeqqallu missaani illoqarfiliakaammata qatanngutigiit kiserngorussimallutik. Unnuaq taanna qanorpiaq pisoqarsimanersoq politiinit iluamik paasineqanngilaq.
41-nik ukiulik aqqunartitersimalluni angerlarmat inooqataata ambulancit kalerrissimavai.
Saassussinermi suna sakkugineqarsimanersoq politiinit aamma suli paasineqanngilaq.
Angut 35-nik ukiulik sapaatip akunnerini sisamani tigummigallagaasussanngorpoq. Qatanngutaata Rigshospitalimut suliaritikkiartornissani naatsorsuutigisariaqassavaa.
