Ilulissani angutit inuusuttut marluk 17-inik 18-inillu ukiullit persuttaasimasutut tillinniarsimasutullu sapaatip akunnerini marlunni tigummigallagassanngortinneqarput.
Aappaa 17-inik ukiulik politiinut aamma sioorasaarisimasutut tigusarineqarpoq.
Suliaq ukiutoqqami pisut tunngavigalugit aallartinneqarpoq – angut sussuseqanngitsoq ullaassakkut unatalersimammassuk. Taamaasimmat unatagaasoq najaminut, politiinut sianertumut qimaavoq, unataasullu tigusarineqarput.
Kaasarfissiorneqarmata Hotel Hvide Falk-imi tillinneqarsimasut nassaaraat; tillinniarsimasutullu unnerluunneqarput.
Paasisat tunngavigalugit sunngitsumik persuttaasimapput. Aappaata tigummigallagassanngortinneqarnini Landsret-imut suliassanngortippaa, aappaatalu pineqaatissinneqarnini akueraa.
Politiit nalunaarput persuttaasut aatsaat taamaasiunngitsut.