Ullumi Arnat ulluat. Nunatsinni naligiissitaanissamut siunnersuisoqatigiinni siulittaasoq Agathe Fontain isumaqarpoq, arnanut persuttaasarneq ullumikkut qaangerniagassatut sulissutigineqarnissaa pingaarnerpaasoq.
Agathe Fontain oqarpoq nunatsinni arnat persuttagaasarpallaaqimmata pingaarnerutillugu sulissutigalugu iliuuseqarfigineqartariaqartoq.
Naligiissitaanermut siunnersuisoqatigiinnit suliarineqarsimasut TV-kkut takussutissiat aallakaatinneqaqattaartut oqallisissiatut aallarniutaasinnaanerarpai.
Siunnersuisoqatigiit siulittaasuata kajumissaarutigaa arnat nunatsinni amerlasuut kommunalbestyrelsemut qineqqusaaqqullugit arnanut suliniutit assigiinngitsut aallarnisarneqarsinnaalissammata.