Persuttaasarneq akiorniarlugu katersuiniarneq
Unnugu meeqqat persuttaanermi eqqugaasimasut Katuami aningaasanik katersisinneqassapput. Nipilersortartoqassaaq, politiikkerit aammalu eqqugaasimasut peqataaffigineqarsinnaallutik ilatigut KNR TV-imi toqqaannartumik aningaasanik katersuineq nalunaaqqutaq arfineq-pingasunut, 20.00 malinnaaffigineqarsinnaavoq.
Meeqqat Inuusuttullu peqatigiiffiat Nanubørn aatsaat aningaasanik katersitsitsilinngilaq. Ukioq mannalu aningaasanik katersuiffigineqassaaq nuna tamakkerlugu persutaasarneq pillugu paasitsitsiniaaneq.
- Unataanersuaq, ajortumik pineqarneq, ilaqutariini ikinngutinilu sumi tamaani. Taanna isiginerullugu arlaatigut iliuuseqqarfigerusullugu nunarput tamakkerlugu, aningaasat tassunga suliamut atorneqassapput, Nanubørnimi ambassadøri nipilersoqataasussarli Julie Berthelsen oqarpoq. Nipilersortoqaannassanngilarli.
Nunatta avataaniittut KNR TV-ikkut toqqaannaq malinnaasinnaapput, sianersinnaallutillu tapersersuillutik. Saniatigut Sofa Aappalaartoqassaaq unnullu tamaat pulaartoqartassalluni, poliitikkerinit eqqugaasimasunullu.
- Sofa Aappalaartoqassaaq tassaniissalluni Stina Berthelsen oqaloqatigalugit poliitikkerit immaqaluunniit inuit arlaatigut misigisaqarnikut persuttaasarnermi, Julie Berthelsen oqarpoq.
Katersuiniarnermi sammineqartoq inuiaqatigiini paquminartuuvoq, kisianni aaqqissuisut neriuutigaat nipilersornerit allallu unnuk nuannersumik atorneqarumaartoq.
- Nuannersumik ingerlallugu, pilerinartumillu taavalu neriuutigaarput inuit nunatsinniittut tamakkiivillutik arlaatigut ikioqataarusussasut, Julie Berthelsen oqarpoq.
Katersuiniarneq aallartissaaq unnugu Katuami arfineq pingasunut aallartissaaq, toqqaannartumillu KNR-TV-imi isiginnaarneqarsinnaalluni. Tamassi katerseqataalluarisi.
