Persuttaannata oqaloqatigiitta

- Sooruna taama annersaatigisut Kalaallit Nunaanni? Naalagaaffeqatigiinnerup iluani, tassa Danmarkimi Savalimmiunilu innuttaasut 10.000-iungaangata taakkunani inuit 20 missaanniittut persuttarneqartarput. Kalaallit Nunaanni arfineq marloriaammik persuttaasoqaneusarluni. Politiassistent Poul Hansen 8. klassinut paasissutissiiutigaluni aperivoq.

Poul Hansenip persuttaanata oqaloqatigiitta qulequtaralugu pikkorissaagaangami, atuartut akornanni persuttaaneruq qanoq paasineqartarnersoq misissoqqaartarpaa.

- Persuttaasarneq atuartunit qanoq patsiseqartinneqarnersoq paasiniartarpara. Persuttaasarnermik kisitsisit sammisarpagut, taavalu kisitsisit millisinniarneqarsinnaanersut sammisarpagut, Poul Hansen oqarpoq.

8.klassimi atuartut eqimattakkuutaarlutik persuttaasarnerup qanoq pinaveersaartinneqarsinnaanera sammisarpaat.

Atuartut ilaasa siunnersuutigivaa, isumakkeerfiginnissinnaaneq persuttaanermik pinaveersaartitsisinnaasoq.

- Soorlu piaarinani annersittoorpagu kingornalu utoqqatserluni, taava akiniaasoqaqqinnani, 8.klassemi atuartut ilaat siunnersuuteqarpoq. Siunnersuutaa pappiaqqamut allanneqarpoq, kingornalu paasisanut allanut ilanngullugu angajoqqaanut anngunneqassapput.

Persuttaasarnerup annikillisinneqarnissaanut inuiaqatigiit pisussaaffeqartut, Politiassistent Poul Hansen isumaqarpoq.

- Persuttaasarneq oqaloqatigiinnikkut iliuuseqarfigissallugu pingaaruteqarpoq. Tassa amerlasoorparujussuit eqqarsaqqaanngiivillutik oqaloqatiginninngiivillutillu nukitik atorlugit annersittaasarput, tamannalu meeqqat peqatigalugit paasiniartarparput qanoq annikillisinneqarsinnaanersoq, Poul Hansen oqarpoq.