Ataatsimiititsineq: Persuttaanermik eqqugaasut sullinneqarnerat pitsanngorsaaviginiarneqarpoq

Persuttaanermik eqqugaasut sullinneqarnerat qanoq pitsanngorsarneqarsinnaanersoq pillugu isumaginninnermut naalakkersuisoq Nuummi Katuami ullumikkut ataatsimiititsissaaq.
Assi © : KNR
Allattoq Anna P. Knudsen
marsip 06-at 2019 07:36

Nunatsinni arnat 62 procentiisa inersimasuutillutik persuttagaaneq misigisimasuusarpaat.

Suliniutikkut Kattunnikkut, 2014-imi aallarnisarneqartukkut, qimarnuinni sulisut suliamikkut pikkorissusiat qaffassarniarneqarpoq, qimarnuiillu suleqatigiinnerat ilaqutariinnillu persuttaanermit eqqugaasunik sullissisunik allanik suleqateqarneq nukittorsarniarneqarluni.
Suliniutillu maanna naammassiartornerani misilittakkat oqallissutigalugit, nunatsinnit tamaniit ullumi ataatsimittoqassaaq.

Kunngissap nuliata aningasaateqarfia, Mary Fonden, Nuummi meqqanut ajornartorsiortunut saaffiginnittarfik Mælkebøttecenter, Qimarnguiit kiisalu Isumaginninnermut Inatsisinullu Atuutsitsinermut Naalakkersuisoqarfik tamatuminnga suliniuteqartuupput.

Aamma nuna tamakkerlugu qimarnguik Qeqertarsuarmiittoq, Illernit, pillugu naliliinermi angusat inassuteqaatillu saqqummiunneqassapput.

Taava aamma ilaqutariinnik persuttaanermit eqqugaasunik qanoq sullinneqartarnerannik unammilligassallu qanoq ittut nalaatassaasarnersut, kommunineersunit saqqummiuneqassaaq.

Atuakkap persuttaanermit eqqugaasunit isumaginninnikkut sullissisunut ilitsersuutaasup ippassaq saqqummernera Suliniummut aamma ilaavoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk