Qulaarpaa Persuttaanerit pingajorarterutaat aappariinni pisarput

Allattoq Walter Turnowsky
maajip 10-at 2016 12:06
Nutserisoq Connie Fontain

Aappariinni persuttaanerit persuttaanernit tamanit pingajorarterutaasartut takussutissaqangaatsiarpoq. Politiit aappariinnermi persuttaanernut tunngatillugu kisitsisitigut paasissutissanik pisortatigoortunik pigisaqanngillat. Suliassalli 2015-imeersut 71-it Nuummi persuttaanermut tunngasut politiit KNR-imut atugassanngorlugit misissorpaat. Sulianiillu 71-init 18-it maannakkut aapparisaq persuttaasuuvoq. Taakkunanngalu arfineq-marluk aapparisimasamit persuttaanerullutik. Misissuinerlu Qaqortumeersoq assingusumik aamma takussutissiivoq. Taakkulu pingajorarterutaat aamma maannakkut aapparisamit aapparisimasamiilluunniit persuttaanerupput.

Aamma atuaruk Persuttagaasartut ilaat illoqarfimminnit qimaasariaqartartut

Aamma atuaruk Aappariinnermi persuttaaneq eqqarsaatigilluagaasarpoq

Politiilli erseqqissaatigaat nuna tamakkerlugu kisitsisisaanngitsut, qanorli inissisimasoqarneranut takussutiisinnaanerarlugit.

Politiit kisitsitsitigut paasissutissaataat pisortatigoortut naapertorlugit persuttaanerit pillugit suliani amerlanertigut angut pinerluttuusartoq.

Aamma atuaruk Arnat persuttarneqartut imminnut pisuutittartut

Aamma atuaruk Aapparisamik persuttaanermi arnat eqqugaanerpaasarput