Perorsaasuunngitsut persorsaasutut sulipput

decembarip 14-at 2004 07:08

Perorsaasut ilinniarsimasut 114-it Nuup kommuneani atorfissaqarput, taakkunanngali ullumikkut 82-iinnaat perorsaasutut kommunemi sulipput. Nuummi perorsaasussaaleqinermik ajornartorsiut ullumikkut ima annertutigaaq perorsaasutut ilinniarsimanngitsut 19-it meeqqerivinni sulisorineqartariaqarlutik.

Meeqqerivinni arlaqartunit sulisut inissaaleqisarnerat akissarsiallu annikippallaarnerat peqqutaatinneqarnerpaajupput. Aammali meeqqerivinni sulinermut atatillugu atukkat pissutigalugit sulisussanik pissarsiniarneq ajornartorsiorfiusutut taakkartorneqarpoq.

Nuummiinnaanngitsorli perorsaasussaaleqisoqarpoq. Sisimiunissaaq perorsaasut ilinniarsimasut kommunemi atorfii eqqarsaatigalugit 25 procentit amigaatigineqartut, Sisimiut kommuneani perorsaanermi siunnersorti Dorthe Margrethe Kunuk oqarpoq.