Perorsaasut politikerinit tusaaneqarlik
Perorsaasut ilinniarsimasut suliaminnik namminneq killiliisinnaanissaat kaammattuutigaa. Ivalo Møller Lange ukiut 14-it Aaqa-mi ningiutut sulereerluni suliffimmi inummut piumasaqaatit annertusiartorsimapput sulinerlu oqimaalliartorsimalluni. Taamaattumik Ivalo isumarpoq perorsaasut suliniutaat pillugit naalakkersuinermik suliaqartunit tusaaniarneqarnerusariartut taakkualu namminneq aamma siunnersuuteqartarlutik Ivalo Møller Lange oqarpoq.
Perorsaasut suliffimminniiginnarnissaat anguneqassappat, perorsaasut paasissutissanik pisariaqartitaanik tuniorarneqarnissaat pisariaqarpoq, paaralugit, piginnaasaannillu qaangiinaveersaarnissaq pisariaqarpoq, tamannami sulisitsisunit tappiiffigineqartarmat, Ivalo isumaqarpoq.
Inulerisut, perorsaasutut ilinniarsimasut amerliartoraluarlutik amigaatigineqartuarput! Nunatsinni perorsaasut ilinniarsimasut meeqqaniit inersimasut tikillugit sulisorineqarnissaat pinngitsoorneqarsinnaanngillat aamma taakkuupput naalakkersuinikkut suliaqartut atugassaannik suliaqartartut, taamaattumik politikerit soqutiginerusariaqarpaat Kalaallit Nunaanni perorsaasut ilinniarsimasut ikiliartunnginnissaat, Ivalo Møller Lange oqarpoq.