IA Perorsaasut aningaasarsiaat qaffaavigineqartariaqarput

Ilaqutariit sulisartut meerartallit nukittorsarneqarnissaat Inuit Ataqatigiit qineqqusaarutigaat. Inuit Ataqatigiit taamaaliorusupput ilaatigut perorsaasut akissarsiaat qaffaaviginerisigut.

Ilaqutariit sulisartut meerartallit nukittorsarneqarnissaat Inuit Ataqatigiit qineqqusaarutigaat. Inuit Ataqatigiit taamaaliorusupput ilaatigut perorsaasut akissarsiaat qaffaaviginerisigut.

- Ullumikkut ilaqutariit meerartalllit, sulisartut atorfillillu ulluinnarni assoruunnerpaat qimoqataanerpaat inuuniarnermikkut oqinnerusunik atugaqalersinneqarnissaat toqqammavissikkumavarput, Inuit Ataqatigiit sinnerlugit qineqqusaartoq Muté B. Egede oqarpoq.

Ilaqutariit sulisartut meerartallit ulluinnarni angummanniartartut imminnut piffissaqarfiginerunissaat taassuma anguniarpaa.

Inuunerissaarnerunissaat angorusukkaat

Ilaatigullu siunnersuutigaa ataataasup anaanaasullu ernereernermi sulinngiffeqarnerat sivitsorneqassasut, inissiat amerlanerusut ilaqutariinnut meerartalinnut tulluarsarneqassasut perorsaasullu aningaasarsiaat qaffanneqassasut.

Inuit Ataqatigiillu perorsaasut aningaasarsiaasa qaffannerat ima aningaasalersorniarpaat:

AAMMA ATUARUK Angajoqqaanngorlaat sulinngiffeqarnerat pitsanngorsarniaraa

- Uani siunnersuuteqarnitsinni takusinnaavarput aningaasanik aallerfissarput tassaasoq ukiut tamaasa millionilipparujussuarnik allaffissornermi atuinerput qaffakkiartuinnaavittoq. Uani kivitassat allat kivinnissaata saniatigut tassanngaanniit aningaasanik aallerniarpugut.

Partiit illuatungiliuttut Demokraatit ilaqutariit pitsaanerusumik aamma atugaqalersikkusuppaat. 

Illuatungiliuttut ilaliisut

Perorsaasut aningaasarsiaannik qaffaaneq ukiumut 15 millionit koruuninik akeqassasoq, Nivi Olsenip missingersuusiorpaa. 

- Piisaarpallaarnata, suna pingaartinniarparput meeqqagut pingaartinniarpagut? Meeqqatta ulluinnaa atugarisaalu kivinniarutsigit uunga 15 millionit imminut akilissapput ukiut ikittunnguit ingerlaneranni, Nivi Olsen oqarpoq.

AAMMA ATUARUK Aningaasanut inatsit akitsuutinit nutaanit 85 millionit koruuninut missingersuuteqartoq

AAMMA ATUARUK Perorsaasut akissarsiaat qaffanneqartariaqartut

Taassumammi perorsaasut akissarsiaat qaffakkusullugit naalakkersuisunut 2017-imi aningaasanut inatsisip suliarineqarnerani isumaqatiginninniutigereeraluarpaa.

Itigartinneqarlunili. 

- Taanna suliassaq annertoorujuuvoq, assullu qujavunga Inuit Ataqatigiinninngaanniit taanna akuersaarneqalersimalluni isiginiarneqalersimammat.

Siunnersuutertillu naammassiniaritsik, Muté B. Egede neriorsuivoq.

- Tusaasinnaavarput partiit tamarmik akimorlutik taassuminnga anguniagaqartut. Taamaammat inatsisartuni qinigaaffiup nutaap aallartinneraninngaannit aamma soorunami kattuffiit sulisitsisullu peqatigalugit suliap taassuma naammassineqarnissaanut qulakkeerinneqataassaagut, Muté B. Egede oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat