Perorsaasut amerlanerit ilinniartinneqarsinnaagaluarput

maajip 02-at 2006 10:51

- Perorsaasunik amerlanernik suli ilinniartitserusoqaagut. Politikerit iliuuseqarnissaat kisiat amigaatigaarput.

Taama oqarpoq Perorsaasunngorniat Ilinniarfianni Ilulissaniittumi pisortaq, Nuka Kleemann.

Perorsaasunngorniartunik ilinniartut amerlinissaat Nuka Kleemannip isumaqatiginartinnerarpaa, kisianni aningaasanik atuartitsivissanillu amigaateqaramik tamanna piviusunngorsinnaanngikkallarnerarlugu. Ilinniartunngorniarlutik qinnuteqarsimasut ukioq-manna 120-iunerarpai, ukiumulli taamaallaat 20-t tiguneqarsinnaapput.

Perorsaasutut najugaq qimannagu ilinniagaqartoqarsinnaanera PIP-mit ilaatigut kissaatiginartinneqarpoq, perorsaasummi 200-t Kalaallit Nunaanni amigaatigineqarput. Nuka Kleemannili oqarpoq, ilinniartitsisussat inillu atuartitsivissat amigaatigineqarmata tamanna pisinnaanngitsoq.

Nuka Kleemann aamma oqarpoq, Perorsaasunik Nuummi Ilulissanilu ilinniartoqartarnissaa naammakkallartoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk