Perorsaasunngorlaat allagartartaarput
Perorsaaanermut Ilinniarfimmi siullerpaamik suliamut sammisumik aatsaat bachelorinngortoqarpoq, ilinniarnerup 2008-mi aallartinnerata kingorna.
Bacheloritut qaffasissumik ilinniarneq isumaqarpoq, perorsaasutut sulinerup saniatigut periarfissaalertarmat masteritut imaluunniit kandidatitut qaffasissusilimmik ilinniarluni ingerlaqqissinnaaneq. Tamannalu Ilimmarfimmi ingerlanneqartarpoq.
- Kalaallit Nunaannut ulloq angeqaaq, Perorsaanermut Ilinniarfimmi rektori, Nuka Kleemann ilaatigut taama oqarpoq.
Perorsaasutut naammassisut ukiut sisamaat avillugu ilinniareerlutik ullumi angusarissaaqalutik naammassipput.
Naammasserlaat naatsorsuutigisinnaavaat suliffissaaleqinnginnissartik, tassami perorsaanermik ilinniarsimasut ullumikkut amigaataaqisut rektorip Nuka Kleemannip oqaatigaa.
Ullaa-tungaa qulinut allagartanik tunniussereernerup kingorna kaffillertoqarpoq unnugulu Perorsaanermik Ilinniarfimmi nuannattoqassalluni. Naammassisut pilluaqquagut.
Aajuku perorsaasunngortit aqqi:
Dortinguak' Davidsen, Kangerlussuaq
Asii Brønlund Lange, Qasigiannguit
Pia Lundblad, Ilulissat
Jacobine Jeremiassen, Sisimiut
Birgithe Johansen, Kangerlussuaq
Kristine A. Nielsen, Ilulissat
Aline Wille, Niaqornaarsuk
Benedikte Petersen, Upernavik
Ivalu Karlsen, Ilulissat
Filippine Nielsen, Ilulissat
