Perorsaasoq akerliussutsimik takutitsereernermi: Suliumajunnaariaannaavugut

Perorsaasut aningaasarsiamik qaffanneqarnissaat siunertaralugu ippassaq tallimanngornermi Ilulissani, Maniitsumi, Sisimiuni, Qaqortumi, Tasiilami Nuummilu akerliussutsimik takutitsipput.

Nuummi akerliussutsimik takutitsinermut aaqqissueqataasoq, Lily Mikaelsen, oqariartuutertik, tassalu aningaasarsiamik qaffannissaat qinikkanit isumaqataaffigineqartoq KNR-imut oqarpoq.

- Ataaseqanngilaq isumaqataanngitsunik. Aamma pinngitsoorsinnaanata tapersersorsuaarpaatigut sulilluarnissatsinnik kissaalluta.

Taava aningaasarsiassi qaffanneqarnissaannut tamarmik isumaqataapput?

Ilaana, ilaanarujussuaq, ukiuni 34-ini inunnik isumaginninnermik sulisoq, Lily Mikaelsen oqarpoq.

AAMMA ATUARUK Perorsaasut aningaasarsiaginnerujumallutik akerliussutsimik takutitsilersut

Inuit 500-it missaat Nuummi akerliussutsimik takutitsinermi peqataasut taanna oqarpoq.

Suliumajunnaarsinnaasut

Perorsaasut aningaasarsiaat

Perorsaasunngorlaat qaammammut suli akileraaratik 20.588 koruunisisarput.

Ukiuni arfineq-pingasuni sulereernermi 22.339 koruuninut qaffattarpoq. 

Ulluunerani paaqqinnittarfimmi pisortat suli akileraaratik 23.491 koruunisisarput.

Ukiut arfineq-pingasut sulereernermi 26.224 koruuninut qaffattarput.

Perorsaasut aningaasarsiaat sulinermilu atugassaat pillugit maanna isumaqatiginniartoqarpoq.

Aningaasarsiamillu qaffaavigineqarnerat anguneqanngippat suliumajunnaarnissartik suli aalajangiusimavaat.

- Soorunami naapeqqissaagut isumasioqatingeeqqillutalu, qularnanngilaq suliumajunnaarnissaq aaqqissuutissagipput, Lily Mikaelsen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat