VIDEO Perorsaanermik ilinniarfimmiut filmiliorput
- Imarivaa inuiaqatigiit akisussaanerunissarput, Ane-Karina Knudsen, SPS Nuummi ilinniartoq KNR-imut oqarpoq.
Niviarsiaraq, angajoqqaaminit sumiginnarneqartoq, filmimi malinnaavigineqarsinnaavoq.
Inuiaqatigiinni susassareqatigiinnerunissarput oqaluuserineqarnerussasoq taamatut filmiliornermi siunertarineqarpoq.
- Tassani pineqarami susassareqatigiinneq: inuiaqatigiinnut qanoq isiorsinnaanersugut, Ane-Karina Knudsen oqarpoq.
Ukua Nuummi perorsaanermik ilinniarfimmiut ilinniarnerminnut atatillugu aalajangersimasumik sammisaqarnerminni taama filmiliornissaq toqqarsimavaat.
- Meeqqat qaangiinnarneqartarnerat, ullutsinni takussaasut amerlanermik. Rakel Andersen, SPS Nuummi ilinniartoq KNR-imut oqarpoq.
Sammisaq pillugu inuiaqatigiinni ammasumik oqaluuserineqartariaqartoq filmimik suliaqartut isumaqarput.
- Isumaqaratta uteqqiinerunngitsoq. Uteqattaartuarnikkut, timitalerlugut takutitsinikkut, taavalu inuiaqatigiinnut eqeersaataasinnaagamik tamakkua, Rakel Andersen oqarpoq.
