Perorsaanermik Ilinniarfimmi bachelorit nutaat
Inuiaqatigiinnullu perorsaasut maanna pisariaqartinneqaqisut nassiunneqassasut, ilinniarfiup pisortaata, Nuka Kleemannip oqaluttuaraa.
- Soraarummeernermi uppernarsaatinik tigusineq pingaaruteqarpoq. Piumagaanni sulilertoqarsinnaavoq imaluunniit perorsaanermik suli qaffassarluni ilisimatusaqqittoqarsinnaalluni, rektori tulluusimaarluni oqarpoq.
Perorsaanermik ilinniarneq ukiut pingasut sinnilaarlugit ingerlasarpoq, marloriarlunilu ilinniarnerup nalaani suliffinnik misiliiffiusarluni.
Perorsaanermik ilinniarfimmi Ilulissani soraarummeerluni naammassinermi ullumi kaffillertoqarpoq. Ilinniartunullu ilaqutaasut peqatigalugit unnugu naggataarnersiornersuaqassasoq aamma oqaatigineqarpoq.