Nunatta sineriaani uuliasiornermut gasseqarnernillu misissuinissamut qinnuteqaatit marluk Namminersorlutik Oqartussanut siorna januaarimi nassiunneqarput. (Toqqorsivimmit assi)

Periusissiaq nutaaq nunatsinni uuliasiornissamut soqutiginnilersitseqqissasoq

Uuliasiornermut gassisiornermullu periusissiaq nutaaq 2020-mit 2024-imoortoq naalakkersuisunit akuersissutigineqarpoq.

Naalakkersuisut tusagassiuutinut taama nalunaaruteqarput.

Periusissiami aallunneqartoq pingaarneq tassaavoq, Kalaallit Nunaanni uuliasiorluni gassisiorlunilu misissuinissamut soqutiginnilersitseqqinnissaq.

Periusissiarlu sumiiffinnik nutaanik ilaatigut ammaavoq, sumiiffiillu pineqartut tassaapput:

Nunami bassineq Nuussuaq, Qeqertarsuup Kitaanik taaneqartartumi, Ikersuaq Davis Strædetimi, Baffinip kangerliumarnganilu ukioq manna aammalu Kalaallit Nunaata avannaarsuani aappagu juulimi kiisalu Tunup qiterpasissortaani 2022-mi ammaasoqassalluni.

Uuliasiornermut suliffissuarnut iliuuseqarluni nittarsaassilluni suliniuteqarnissaq ilaatigut periusissiami allaqqavoq.

Naalakkersuisut uuliasiornissamut soqutiginnilersitseqqinniartut

Uuliasiorfiutileqatigiiffinnut nunatsinni misissuinernik aningaasaliinernilu sulinermi periusissamik ingerlataqarusuttunut akileraarusiisarnermut immikkut pilerinaateqartunik pilersitsinissaq naleqqussinnaanersoq, siunnersortit ataatsimeeqatigineranni oqallisigineqarpoq.

- Periusissiami aallunneqartoq pingaarneq tassaavoq, Kalaallit Nunaanni uuliasiorluni gassisiorlunilu misissuinissamut soqutiginnilersitseqqinnissaq, inuussutissarsiornermut, nukissiuuteqanermut, ilisimatusarnermut suliffeqarnermullu naalakkersuisoqarfik taama tusagassiuutinut allappoq.

Nunatta sineriaani uuliasiornermut gasseqarnernillu misissuinissamut qinnuteqaatit marluk Namminersorlutik Oqartussanut siorna januaarimi nassiunneqarput.

Periusissiaq Inatsisartuni ilaasortanut aamma Inatsisartut Inuussutissarsiornermut Aatsitassanullu Ataatsimiititaliaanut agguaanneqassasoq, naalakkersuisoqarfik tusagassiutinut allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat