Periarfissat pitsaanerulissapput
Allattoq Carla Davidsen
septembarip 03-at 2005 17:47
Perorsaasut Ilinniarsimasut Peqatigiiffiat – PIP aamma Namminersornerullutik Oqartussat ukiunut pingasunut atuuttussamik isumaqatigiissuteqarput
Perorsaasutut ilinniarsimasut soorlu innarluutilinnut sullissinerminnut atatillugu ilinniaqqissimasut akissarsiami saniatigut aamma akissarsiaqaatigisalissavaat.
Akissarsiat pillugit isumaqatigiissutigineqartut
Namminersornerullutik Oqartussani Kommuninilu sulisuusunit 450-t sinneqartunit atuuttussanngussapput.
Immikut tapisiaqalernissamut isumaqatiginniarsinnaalernissaq sulisitsisunit aamma periarfissaalissaaq.
Akissarsiat pillugit isumaqatiginniarneq illuatungeriinnit akuersissutigineqareerpat isumaqatigiissut atulersinneqassaaq.