Pereersut kommunalbestyrelsip naammagisimaarlugit nalilerpai

Kommuneqarfik Sermersuumi kommunalbestyrelsip ukiuni kingullerni sisamani pisimasunik naggataarutaasumik isumasioqatigiiffiuvoq. Suut pilersaarutaasimappat, suullu naammassineqarsimanersut sammineqarput.
marsip 31-at 2013 14:34

Kommunalbestyrelsip Kommuneqarfik Sermersuumi ineriartortitsinermut periusissaliornermini naleqartitat pingasut toqqammavigai: Piujuartitsineq, Inuunermi naleqartitat, Oqartussaaqataaneq sullissinerlu. Naleqartitat taakku politikkikkut immikkut suliniuteqarfigineqartuni arfineq’marluusuni toqqammaviusimapput:
Illoqarfiit inissiallu inuuffigiuminartut, Ilaqutariit peqqissut toqqissisimasullu, Inuutissarsiutitigut ineriartorneq, Avatangiisinut isumalluutinullu ataqqinnissuseqarneq, Attaveqatigiinneq pitsaasoq, Inuunermut piginnaasaqassuseq, Kulturikkut eqeersimaarfiusoq.

Kommunalbestyrelsinngortussanut anguniagassatut isigineqarput piffissami aggersumi qitiutinneqartussat suussanersut matuma kinguliini allaaserineqalaassaaq. Qinigaasut suleqatigalugit najukkami siunnersuisooqatigiinnik pilersitsineq. Angallannermut pilersaarut, matumani umiarsualiviup allineqarnissaa mittarfiliornissallu piviusunngortinneqarnissai ilanngullugit. Innarluutilinnut tuulluarsakkanik inissianik nutaanik sanaartornissaq, utoqqarnut aamma innarluutilinnut siunnersiuisoqaatigiit suleqatigalugit suliaq ingerlateqqinneqassaaq.

Piffissami aggersumi qitiutinneqartussat suussanersut matuma kinguliini allaaserineqalaassaaq. Qinigaasut suleqatigalugit najukkami siunnersuisooqatigiinnik pilersitsineq. Angallannermut pilersaarut, matumani umiarsualiviup allineqarnissaa mittarfiliornissallu piviusunngortinneqarnissai ilanngullugit. Innarluutilinnut tuulluarsakkanik inissianik nutaanik sanaartornissaq, utoqqarnut aamma innarluutilinnut siunnersiuisoqaatigiit suleqatigalugit suliaq ingerlateqqinneqassaaq. Kalaalimerngit atorneqarnerulernissaannut inuussutissanut politikkiliornissaq. Avatangiisinik pitsanngorsaaneq, assersuutigalugu meeqqeriviit iluarsartuunneqartariaqartut eqqarsaatigalugit. Pilersaarutinik angisuunik pilersaarusiorneq. Kalaalimineerniarfimmut tunngatillugu tamanut nuannaarutaasumik aaqqiissuteqarneq.

- Ukiuni sisamani sulinermi angusallu pillugit borgmester Asii Chemnitz Narup oqarpoq:
-kommunalbestyrelsi ukiuni sisamani taamak annertutigisumik angusaqarsimammat tulluusimaarutigeqaara aamma naak siunnerfipput suli angusimanngikkaluarlutigut. Kommunit tallimaasut kattunnerisigut suliap aallaqqaataaneerneqarneratullusooq ittumik ingerlanermi suliaq unamminiarnartorpassualik pikkunarlunilu pissanganaqaaq. Pingaartumik nunami isorartuumi siammarsimagaluarluta, tamatta kulturikkut asseqanngitsumik ineriartortitsiffigivarput. Taamaammat kommunalbestyrelsip suliassamini pingaarnerpaatut isigaa, ataatsimoorfiusumik ataqatigiiffiusumillu kommuneqalernissaq. Suliassarlu tamanna isumagineqarluni ilaatigut innuttaasunik sullissinermi assigiissaarisoqarneratigut, suliatigut ilisimasat annertusarneqarneratigut kommunimilu aaqqissuussaanermik pilersitsisoqarneratigut, tassa Namminersorlutik Oqartussaniit suliassaqarfinnik tigusinissamut sakkussagissaanerunissaq pillugu, maannamuugallartorlu innarluutilinnut immikkullu atuartitsinermut tunngasut aamma Misi akisussaaffitsinniilernikuupput