Peqquserluttarneq immikkoortoqarfimmi nutaami sammineqassaaq
Kalaallit Nunaanni peqquserluttuliortarnerit oqallisigineqartarnissaannik Transperancy International siornatigut Nunatsinni suliniuteqarsimavoq.
Nunatsinni immikkoortortaqarfissaanik aallartitsinissaq, inuussutissarsiutit pilllugit ataatsimeersuarnissami, martsip 16-anni aamma 17-anni Nuummi pisussami pilersaarutaasoq, Sermitsiami ullumi saqqummertumi allaaserineqarpoq.
Suliniaqatigiiffik Nunatsinni immikkoortortaqarfeqaleruni, suliassaa siulleq tassaavoq arlaannaanulluunniit attuumassuteqanngitsumik ilisimatuussutsikkut sulinissamut aningaasaliisussanik ujarlerneq.
Ilisimatuussutsikkut sulinermi Nunatsinni inatsisiliornermi peqquserluttuliorsinnaanermut assingusunik pisoqarsinnaaneranik sanngiiffiit aamma sammineqassapput.
- Pigisat nalillit allamut tunniunneqarnerisigut inatsisinut tunngasuusinnapput, imaluunniit sanaartornermi nunatat tunniunneqarnerini, aalisagartassiinermi aammalu aatsitassarsiornissamut akuersissuteqarnermi inatsisit pineqarsinnaapput, sulisitsisut peqatigiiffianni pisortaq, Henrik Leth Sermitsiaq AG-mut oqarpoq. Sulisitsisut Peqatigiiffiat aamma SIK kiisalu danskit kattuffiat Finansforbundet ilisimatuussutsikkut suliamut aningaasaliiniarlutik neriorsuisimapput.
