Peqqissuunissamut pitsaaliuinermullu tunngatillugu suliniuteqarnissamut aningaasanik qinnuteqarit
Najukkani pitsaaliuinermut peqqissuunissamullu suliniutit Inuunerittamut aningaasaliissutitigut aningaasaliiffigineqartarput. 2012-imi peqqissuunissaq pillugu suliniutinut assigiinngitsunut 60-inut 1 mio. koruunit- atuartut akornanni tupatornerup hashimillu atuinerup nakuusertarnerullu pitsaaliorneqarnissaannik, kigutigissuunissamik timimillu atuinermik sammisalinnut agguaanneqarput.
Ukioq manna meeqqat inuusuttullu akornanni ilaqutariinnilu imigassamik hashimillu atornerluinerup naamaarniartarnerullu pinaveersaartinneqarnissaanik sammisallit salliunneqassapput.
Inuunerittamut tunngatillugu aningaasaliissutinik qinnuteqarsinnaaneq apriilip aallaqqaataanut 2013 killeqarpoq. Qinnuteqaat Peqqissutsimut Naalakkersuisoqarfimmut nassiunneqassaaq. Qinnuteqarnermi immersugassaq paasissutissallu sukumiinerusut nittartakkami www.peqqik.gl -imi pissarsiassaapput.
Inuunerittamut aningaasaliissutit Kalaallit Nunaanni innutaasut peqqissuunissaat anguniarlugu suliniutip Inuunerittap atuutilerneranut atatillugu pilersinneqarput.
