Peqqissutsimut Naalakkersuisoq Tasiilamukassaaq

Peqqissutsimut Naalakkersuisoq Asii Chemnitz Narup sapaatip akunnerani uani Tasiilamukassaaq.

Inuttaasut peqqissusaat pillugu Asii Chemnitz Narup inunnik oqaloqateqassaaq, innuttaasunillu assigiinngitsorpassuarnik naapeqateqassalluni, soorlu illoqarfimmi peqatigiiffiit snniisaannik, peqqinnissamik isumaginnittoqarfimmiunik, nunaqarfiup aqutsisuinik, atuartunik utoqqarnillu.

Innuttaasut peqqissusaat pillugu oqaloqateqarnissaaq, aammalu pinaveersaartitsinermik peqqissutsimillu suliniuteqarnermut innutttaasut isumassarsiaannik misilittagaannillu tusagaqarnissaq ataatsimiinnerit siunertaraat.

Tasiilami katersortarfimmi aamma ataatsimiisitsisoqassaaq, soqutiginnittullu tamarmik innuttaasut peqqissusaannik oqaloqatigiissuteqarnissamut tikilluaqqusaapput.

Innuttaasunik ataatsimiisitsineq sisamanngorpat septemberip ulluisa arfineq’pingajuanni pissalluni.

Asii Chemnitz Narup illoqarfinni allani innuttaasunut ataatsimiisitsisareerpoq, Tasiilaq tassaalluni Peqqissutsimut Naalakkersuisup tikeraarnerisa naggataavat, innuttaasut peqqissusaannik suliniut inatsisartut aappaagu upernaakkut ataatsimiinnerisa nalaanni saqqummiunneqarnissaminut naammassineqassasoq naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat