Peqqissutsimut naalakkersuisoq ingerlaqqinnissamut piareersimavoq
Naalakkersuisuni ilaasortat nukarlersaanniit Naalakkersuisuni ilaasortanngortoq alla misilittagartunerusorlu aamma oqaloqatigisimavarput. Inuit Ataqatigiinneersoq Peqqinnissamut Avatangiisinullu Naalakkersuisunngorpoq Asii Chemnitz Narup, Peqqinnissamut naalakkersuisunngoqqilluni. Ukiuni kingullerni Naalakkersuisuunermini suut misilittagarilersimavai sunillu ilikkagaqarsimava? Asii Chemnitz Narup ima akivoq:
- Suleqatigiinnerup pingaaruteqassusia ilikkarsimavara. Sulisorpassuit allannguinissamut piumassuseqarlutik sulerusunnerat passereernikuugakku qilanaarivara assut.
Peqqinnissaqarfimmut atatillugu pilersaaruteqarnerarpoq. Pinaveersaartitsinerup sukkut qanorlu annertusaavigineqarnissaa, katsorsaanermullu tunngatillugu utaqqisorpassuit pilertornerusumik suliaritinneqarnissaannut pilersaaruteqarnerpoq.
- Taassuma saniatigut qulaajaanerit assigiinngitsut aallartereersut ukiup nikinnerani naammasineqassapput.
Ilaqutariit meeqqallu atugaasa pitsanngorsarneqarnissaannut maleruagassialiortoqarsimavoq. Sullissisuttaaq qanimut suleqatigiinnerulernissaat anguniarneqarpoq.
