Peqqissutsikkut kattuffik qanoq atorsinnaanerlugu Naalakkersuisut misissussavaat
Nunarsuaq tamakkerlugu suleqatigiiffik WHO coronamik tunillaassorneq aallartinngikkallarmat ilisimasaqarfiginngikkukku ilimanarpoq massakkut ilisimalersimassagit.
Tassami suleqatigiiffik nunani ataasiakkaani nunarsuarmilu tamarmi tusagassiuutitigut saqqumisimaqaaq virusip nunarsuamut tamarmut siaruaannerani.
Ilaatigut WHO corona pillugu ilisimasanik katersisimavoq paasissutissanillu paarlaasseqatigiittarluni.
Massakkut Kalaallit Nunaat suleqatigiinnermut ilaanngilaq.
Kisianni Naalagaaffiit Peqatigiit Peqqissutsikkut peqatigiiffiannut ilaasortaaneq sumik periarfissiissava? Aamma aningasaliissutinut naleqqiullugu imminut akilersinnaava?
* Anna Wangenheim-ip apequtaa taaneqartarpoq paragraf 37 naapertorlugu apeqqut.
* Inatsisartunut ilaasortat naalakkersuisunut apeqquteqassutik periarfissaqarput.
* Apeqqutit qanoq ilisukkulluunniit apeqqutigineqarsinnaapput sammisanullu sunulluunniit tunngasuusinnaallutik.
Naalakkersuisut tamanna misissussavaat Kalistat Lund (IA), nunalerinermut, imminut pilersornermut, nukissiutinut avatangiisinullu naalakkersuisoq nalunaarpoq.
Ataasinngormat allakkatigut apeqqutit arlallit Anna Wangenheimip (D) Inatsisartunut ilaasortaasup apeqqutigisai akivai.
LÆS OGSÅ Europa-mi annertuumik tunillaassuunneq WHO-p isumakuluutigaa
Massakkorpiaq naalakkersuisup ilimagaa Kalaallit Nunaata isumalluutit "annertoqisut" immikkoortittariaqarai suleqatigiiffimmut peqataasutut ilaasortaassaguni.
Kisianni apeqqutaassaaq qanoq annertutigisumik eqqarsaatigisamik iliuuseqartarnissaq.
Ilaasortatut pisussaaffiliunneqartarpoq paasissutissat assigiinngitsutnalunaarusiussallugit, soorlu coronamut tunngasut, taavalu atatsimiinernut peqataasarnissaq naatsorsuutigineqarpoq, Kalistat Lund naliliivoq.
Anna Wangenheim aamma aperivoq qaqugu Naalakkersuisut Kalallit Nunaat nunarsuarmi tamarmi peqqissutsikkut suleqatigiiffimmut ilaasortanngortinniarneraat?
Tassanilu akissut erseqqilluinnarpoq: Massakkorpiaq pilersaarutigineqanngilaq, naalakkersuisoq oqarpoq. Kisianni iluaqutaasinnaasut akornutaasinnaasullu saqqummiunneqartariaqarput.
Avannaamioqatigiit Killiit Siunnersuisartui kaammattuipput ilasortaanissaq sulissutigeqqullugu
Kalaallit Nunaata WHO-miinnissaa pillugu apeqqut siorna arlaleriarluni qaqinneqarpoq.
Siullermik qaqinneqarpoq maajimi Savalimmiut nalunaarmata ilaasortanngornissamut qinnuteqaat suliarineqalersoq. Savalimmiomiut ukiorpassuarni tamanna kissaatigisimavaat.
WHO-mi peqatasutut ilaasortaaneq naatsumik
* Massakkorpiaq Kalaallit Nunaat WHO-mi Danmarkimit sinnerneqarpoq. Nunat namminersorlutik naalagaaffiusut kisimik tamakkiisumik ilaasortaanissamut qinnuteqarsinnaapput.
* Kisianni Kalaallit Nunaat peqataasutut ilaasortaanermik taaneqartartumut qinnuteqarsinnaavoq Savalimmiut assersuutigalugulu aamma Puerto Rico assigalugit.
* Peqataalluni ilaasortaanikkut ataatsimiititaliani ataatsimiinnerni aamma ataatsimeersuarnermi oqaaseqarsinnaatitaaneq anguneqassaaq. Aamma oqallisigisassanik siunnersuuteqarsinnaavoq.
* Kisianni tamakkiisumik ilaasortat kisimik taasisinnaapput.
* Peqataallutik ilaasortat allat assigalugit ilaasortaanermut akiliuteqartassapput. Taanna BNP tunngavigalugu aamma ineriartornikkut pissutsit apeqqutaatillugit aalajangerneqartarpoq.
* Tamatuma saniatigut ilaasortat ilaatigut assersuutigalugu peqqinnissaqarfiup tungaatigut kisitsinik naatsorsueqqissaartarfimmeeersunik nalunaarusiornissamut pisussaafilerneqartarput.
Tigusiffik: Naalakkersuisut
Eqqarsaatit taamaattut taamani maani Kalaalit Nunaanni aamma qaninniarneqarsimanngillat, naalakkersuisut Sermitsiaq.ag-mut nalunaarput.
Kalaallit ilaasortaasinnaanerat qaqeqqinneqarpoq Inatsisartuni qinikkat kingusinnerusukkut Inatsisartut ukiaanerani ataatsimiinneranni.
Tassami Nunat Avannaamioqatigiit Killiit Siunnersuisui Kalaallit Nunaata ilaasortaaffigisai, innersuussuteqarput Kalaallit Nunaat Savalimmiullu peqataasutut ilaasortaanissaat sulissutigineqassasoq.
LÆS OGSÅ Savalimmiut WHO-mit tusarneqarusuppoq
Inatsisartuni oqallisissiami, Pipaluk Lynge Rasmussenimit (IA), Kalaallit Nunaata aallartitaani siulittaasumit, saqqummiunneqartumi tullinnguuttu pingaartinneqarput:
- Kalaallit Nunaat nunarsuarmi immikkut inissisimanini timikkullu kingornussatigut immikkut ittuunini pissutigalugit Danmarkimut naleqqiullugu peqqissutsikut allatut atugaqarpoq unammilligassaqarlunilu, taaamaattumillu peqqissutsip iluani pingaarnersiuilluni tulleriissaarinerit ilisimatuussutsikkullu misissuinertigut soqutigisat allaanerusinnaapput.
Politikerit 19-t innersuussummut akuersillutik taasipput, marlullu akerliullutik.
Taasisitsinerulli Kalaallit Nunaat pisussaatinngilaa ilasortaanermut qinnuteqarnissamut, Kalistat Lund oqarpoq.
