Peqqissuseq pitsaanerusinnaavoq
Kalaallit Nunaanni innuttaasut peqqissusaat pillugu misissuisimanermi takuneqarsinnaavoq, inuusuttut akornanni imminortarnerup ennertunera, aammalu sukkornermik nappaatillit amerliartupiloornerat, pualavallaarneq, pujortartarnerup kingunerisaanik pualluuteqartarneq kingulluuteqarnerujussuarlu kalaallit akornanni atugaaqisut.
Kalaallit Nunaanni innuttaasut uummartussusaat nunanut suliffissuaqarfiusunut sanilliulluguinuunertussuseq appasinneruvoq. Tamannalu patsiseqartinneqarpoq, inuusuttut akornanni imminortartut amerlanerujussuannik, aammalu meeraaqqat toqusarnerisa annertunerinik, naggataatigullu inuusuttut utoqqasaallu akornanni ajunaartarnerpassuit.
Kalaallit peqqissusaannik misissuinermi ingerlatsisuuvoq Statens institutimeersoq professor Peter Bjerregaard. Taamatut misissuititsisarneq nunani avannarlerni atugaavoq, nunanilu assigiinngitsuni misissuinerni assigiinngitsunik ingerlanneqartarlutik.
Danmarkimi innuttaasut peqqissusaat pillugu misissuititsisalernissaq oqallisigineqarpallaarani aallartinneqarsimasoq, Sverige-mi innuttaasunit assortuussutaangaatsiaqqaarluni aallartinneqarsimavoq.
Finland-ip innuttaasumi peqqissusaat pillugu misissuititsereerluni Naalagaaffiit peqatigiit peqqinnissakkut suleqatigiiffiat WHO kissaateqarfigisimavaa iliuusissamik siunnersuuteqaqqullugu. Taamaammat
Nunatsinni innuttaasut peqqissusaasa misissorneqarsimanerisa iliuuseqarfiginissaannut Naalakkersuisut aallerfissaqarluarput.
