Peqqissunissaq pilerinarsarneqartariaqarpoq

Nunatsinni innuttaasut peqqissuunissaat anguniarlugu sukumiisumik suliniarnissami innuttaasut inooriaasiannik pissusilersuutinillu allanngortitsiniarnissaq pilerinarsarlugu anguniartariaqartoq, Naalagaaffimmi peqqissutsimut pisortaqarfimmeersup ilisimatuup misissuinermilu ingerlatsisup Peter Bjerregaard-ip erseqqissaatigaa.

Ukiuni makkunani inuuffigisatsinni innuttaasut nappaataat ajoqutaallu pilersartut allanngoriartorlutillu amerliartorput. Nappaatit nutaat takkussorput, peqqinnanngitsunik sukkoqarpallaanillu nerivasaqarnerup kingunerisaanik sukkornermik napparsimalersartut amerliartuinnarput, uummatillu  taqarsuatiggut nappaateqalertartut amerliartorput, timilu aalatinnerusariaqarpoq.

Ullumikkut innuttaasut 70 %-ii pujortartarput, taakkunanngalu tallimaraarterutaat toqusarput. Misissuineruttaaq takutippaa 15-niik 17-t tikillugit ukiullit affaasa missaat pujortartarput, niviarsiaqqallu nukappiaqqanut sanilliullutik pujortarnerusut misissuinerup takutippaa.

Aamma inuusuttut akornanni imminortoqartarnera annertuallaarpoq.

Naalagaaffiup peqqissutsimut pisortaqarfiani  nunatsinnut tunngasunik inooriaatsimik misissuinermik suliaqartartup Peter Bjerregaardip oqaatigaa, nappaatit peqqinnanngitsumillu inooriaaseqarneq minnerpaamiitilerniaraanni pissusilersuutigineqartartut allanngortinniartariaqassasut:

- Pissusilersuutinik allannguisoqartariaqarpoq.

Inooriaaseq pilerinartunngortillugu allanngortinniartariaqarpoq. Soorlumi 1990-kkunni politikerit ilisimaneqartut imigassamik atornerluinerujussuup akuerineqarsinnaannginneranik saqqummiussaqartoqartoq.

Matumani pujortartarneq, nerisaqarneq pillugu timillu atornerunissaanik qulequtalinnik iliuuseqartoqarnissaa kissaatiginarpoq, pissusilersuutillu allanngortinnissaannut pilerinartunik sunniiniartoqartariaqarpoq, Peter Bjerregaard naggasiivoq.

Innuttaasut peqqinnerunissaannut pilersaarusiamik sulineq sukumiisoq 2006-miit 1012-p tungaanut ingerlanneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat