Peqqissaasut soraartut taarseruminaapput

Peqqissaasut aalajangersimasumik atorfillit soraaraangamik allanik taartissaqarneq ajorput. Tamannarpiaq peqqutaavoq, Dronning Ingridip Napparsimmavissuani peqqissaasunik taartaasartunik pisariaqartitsinerup annerulersimaneranut.
Allattoq Louise M. Kleemann
novembarip 03-at 2008 10:53

- Massakkut Dronning Ingridip Napparsimavissuani atorfiit inuttassarsiukkat affaat inorlugit inuttaqarput, sinnerilu taartaagallartunit

inuttaqartinneqarlutik, taamaammat allatut ajornarluinnaraangat taartaasartunik aallartitanik pissarsiortariaqartarpugut, taakkualu marloriaammik akisunerusarput, Dronning Ingridip Napparsimmavissuani peqqissaasut qullersaat Maybritt Andersen oqarpoq.

Dronning Ingridip Napparsimaviani peqqissaasut 20-t sinnerlugit amigaatigineqarput.

- Atorfeqavissunik aallartoqaraangat taarserniarneri ilungersunartarput, kingunerikkajuttarpaalu atorfeqavissut akornanni sulerulunneq. Tamassuma kingunerisaanik sullissinerup pitsaassusissaralua appartarpoq, taavalu piffissaq ineriartortitsinermut atugassaq annikitsuararsuanngortarluni, Maybritt Andersen oqarpoq.

Peqqissaasoq Danmarkimi vikarbureaneersoq aaliajangersimasumik atorfilinnit ukiumut 165.000 koruuninik Peqqinnissaqarfimmut aningaasartornarneruvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq